ના, રાજ્યમાં માટીની મૂર્તિનો ઉપયોગ વધે અને પર્યાવરણને થતુ નુકશાન અટકાવી શકાય તે માટે રાજ્ય સરકાર દ્રારા માટીની મૂર્તિ બનાવતા કારીગરોને ગુજરાત સરકારના કુટિર અને ગ્રામોદ્યોગ વિભાગ હેઠળ કાર્ય કરતી ગુજરાત માટીકામ કલાકારી અને ગ્રામ ટેકનોલોજી દ્રારા મૂર્તિના વેચાણ કરતા કારીગરોને પ્રોત્સાહન આપવા માટે રાજયના મુખ્ય શહેરોમાં માટી મૂતિ મેળાનું આયોજન કરી કારીગરોને વિના મૂલ્યે સ્ટોલ પુરા પાડી વેચાણ માટે પ્લેટફોર્મ પુરૂ પાડવામાં આવે છે. આમ, ગુજરાત માટીકામ કલાકારી અને ગ્રામ ટેકનોલોજી સંસ્થા એક ફેસીલેટરનો રોલ પુરો પાડી વેચાણ કરનાર કારીગરો અને ખરીદનાર વચ્ચે કડી તરીકે કામ કરે છે. જેથી વેચાણ સબંધિત કોઇ પણ ઉપસ્થિત પ્રશ્નમાં ગ્રાહક અને કારીગરો વચ્ચેના જ ગણાશે.

ગુજરાત માટીકામ કલાકારી અને ગ્રામ ટેકનોલોજી સંસ્થા દ્રારા સ્વરોજગારી માટે ટૂંકા ગાળાની વિના મૂલ્યે તાલીમ તથા માટીકામના વ્યવસાય સાથે સંકળાયેલ કારીગરોને ૭૫ ટકા સબસીડીથી ઇલેક્ટ્રીક પગમિલ અને ઇલેક્ટ્રીક ચાક જેવા સાધનો તથા ૧૦૦% સબસીડીથી ઉર્જા કાર્યક્ષમ ભઠ્ઠી તથા મૂર્તિ બનાવવાની માટીની મૂર્તિ બનાવતા કારીગરોને ૫૦% સબસીડીથી માટી પુરી પાડવામાં આવે છે. આ યોજનાના લાભો લેવા વધુ માહિતી માટે તમારે ગુજરાત માટીકામ કલાકારી અને ગ્રામ ટેકનોલોજી સંસ્થા, સેક્ટર-૧૨, ગાંધીનગરની રૂબરૂ મુલાકાત કરી શકાય.

માટીની મૂર્તિ વજનમાં ભારે અને થોડી રફ ફીનીશ હોય છે અને ટકોરા મારવાથી હળવો અવાજ આવે છે. જ્યારે પી.ઓપી.ની મૂર્તિ ચમકદાર અને વજનમાં હળવી અને ટકોરા મારવાથી વધારે અવાજ કરે છે.

મૂર્તિના કોઇ ભાગ ઉપર પાણીનું ટીંપુ પડે તો નેચરલ કે વોટર કલર હશે તો કલર ધોવાશે તથા ઓઇલ પેઇન્ટ પાણીના ટીંપાથી ધોવાતો નથી.

ઓગળવાના સમયનો આધાર માટીની મૂર્તિની સાઇઝ કેટલી છે તેના ઉપર આધારિત છે. પરંતુ સામાન્ય રીતે ત્રણથી ચાર કલાકમાં મૂર્તિ ઓગળી જાય.